అందాలతార అరుదెంచె నాకై - Andala Taara arudenche Naakai lyrics

అందాలతార అరుదెంచె నాకై 

పల్లవి :

అందాలతార అరుదెంచె నాకై అంబర వీధిలో
అవతారమూర్తి యేసయ్య కీర్తి అవని చాటుచున్
ఆనందసంద్ర ముప్పొంగె నాలో అమరకాంతిలో

ఆది దేవుని జూడ ఆశింప మనసు పయనమైతిని         

చరణం 1  :

విశ్వాసయాత్ర దూరమెంతైన విందుగా దోచెను
వింతైన శాంతి వర్షించె నాలో విజయపథమున
విశ్వాలనేలెడి దేవకుమారుని వీక్షించు దీక్షలో

విరజిమ్మె బలము ప్రవహించె ప్రేమ విశ్రాంతి నొసగుచున్        

చరణం 2  :

యెరూషలేము రాజనగరిలో యేసును వెదకుచు
ఎరిగిన దారి తొలగిన వేళ ఎదలో కృంగితి
యేసయ్యతార ఎప్పటివోలె ఎదురాయె త్రోవలో

ఎంతో యబ్బురపడుచు విస్మయ మొందుచు ఏగితి స్వామి కడకు         

చరణం 3  :

ప్రభుజన్మస్ధలము పాకయేగాని పరలోక సౌధమే
బాలునిజూడ జీవితమెంత పావనమాయెను
ప్రభుపాదపూజ దీవెనకాగా ప్రసరించె పుణ్యము
బ్రతుకే మందిరమాయె అర్పణలే సిరులాయె ఫలియించె ప్రార్ధన