సంగీత నాదముతో - Sangeetha Naadamutho lyrics

సంగీత నాదముతో     

పల్లవి :

సంగీత నాదముతో  స్తోత్ర సంకీర్తనతో

నీ ప్రేమ గీతం పాడెద

నీ గొప్ప కార్యం చాటెద

నా జీవితం మార్చినా యేసయా

ఈ నీ రుణం తీర్చుట ఎటులయా 

చరణం 1  :

నా కఠిన హృదయమున  కారుణ్యమును నింపి

కలువలు  పూయించిన కృపను కొనియాడెద

పాపములు క్షమియించి నను మార్చినా

దోషములు భరియించి దరి చేర్చిన 

చరణం 2  :

నా కష్ట సమయమున నా చెంతనే నిలిచి

విడువక నడిపించిన విధమును వివరించెద

క్షేమమును కలిగించి నను లేపినా

దీవెనలు కురిపించి కృప చూపిన 

చరణం 3  :

నా దుఃఖ దినములలో ఓదార్పు కలిగించి

కన్నీటిని తుడిచిన క్రమమును ప్రకటించెద

వాక్యముతో దర్శించి బలపరచినా

సత్యముతో సంధించి స్థిరపరచిన