నమ్మకమీయవ ప్రభూ - Nammakameeyava Prabhu lyrics

నమ్మకమీయవ ప్రభూ

పల్లవి :

నమ్మకమీయవ ప్రభూ

స్థిర నమ్మకమీయవ ప్రభూ

నీ అందు దినదినము ఎదిగి

ఆవగింజంత విశ్వాసం కొండంత పెరిగి

నీ పరలోక రాజ్యాన నిత్యజీవం పొందేందుకు 

చరణం 1  :

అడుగుడి ఇయ్యబడునన్నావు ... కనుకనే నిన్నడుగుచున్నాము

మా బ్రతుకు బాధలు తొలగిమ్ము ... లేమి లేని సుఖ జీవం మాకిమ్ము

దిక్కులేని దీనులo ... సుఖమెరుగని గానుగలం

నీ ఒడిలో సేదతీరు సుఖమున్నదిలే 

చరణం 2  :

వెదకుడి దొరకును అన్నావు... కనుకనే నిను వేదకుచున్నాము

నీ దర్శనం మాకు కలిగించు... మా బ్రతుకులో చీకటి తొలగించు

అడుగడుగున వేదనలు .... అన్నిట్లో రోదనలు

నీ నామంలో విశ్రాంతి ఉన్నదిలే 

చరణం 3 :

తట్టుడి తీయబడునన్నావు... కనుకనే నిను తట్టుచున్నాము

నీ పరలోక రాజ్యపు తలుపు తీయి... నువ్వు తోడుంటే మా బ్రతుకు హాయి

బాధలే బ్రతుకులు ... బ్రతుకులే గతుకులు

నీ వెలుగులో నిత్యజీవము ఉన్నదిలే