తప్పించుకొన వీలులేని స్థితిలో గల వెర్రివాడు లూకా:12:16-21

తప్పించుకొన వీలులేని స్థితిలో గల వెర్రివాడు లూకా:12:16-21

ఒక ధనవంతుని భూమి సమృద్దిగా పండెను.  అప్పుడతడు  నా పంట సమాకుర్చుకొనుటకు నాకు స్థలము చాలదు గనుక నేనేమి చేతునని తనలో తాను ఆలోచించుకుని నేనీలాగు చేతును అనుకొనెను.  ఈ వ్యక్తి స్వభావం దేవునికి కృతజ్ఞతలు చెప్పడం గాని, దేవుని పనికోసం ఇవ్వడంగాని, అవసరతలో ఉన్నవారికి సహాయం చెయ్యడంగాని లేదు.  ఈ వ్యక్తి స్వప్రయోజనకారుడు, స్వార్థపరాయణుడు.  తన సుఖాలను గురించి తాను  ఆలోచించుకునే వ్యక్తి. ఉన్నవాటికంటె గొప్పవాటిని కట్టించి వాటిలో దాన్యమంతటిని సమకూర్చుకొని ప్రాణముతో ప్రాణమా అనేక సంవత్సరములకు విస్తారమైన ఆస్తి సమకూర్చబడియున్నది తినుము, త్రాగుము, సుఖించుము అని చెప్పును.

ఇక్కడ ఈ వ్యక్తి తెలివిగలవాడినని  తలంచాడు  కాని దేవుడు మాత్రం తనను తెలివి హీనుడిగా భావించాడు. స్వార్థం తెలివితక్కువతనమే,

(యెషయా55 :8-9) మన తలంపులోనుంచి ఉద్దేశాల్లోనుంచి దేవుణ్ణి ప్రక్కన పెట్టటం అనేది తెలివి తక్కువతనమే. 

(యాకోబు (4: 13-17)మనం చాల ఏళ్ళు జీవిస్థాములే అనుకోవడం, దేవుని చిత్తానుసారముగ కాకుండా మన ఇష్టమొచ్చినట్లు జీవించడం తెలివితక్కువతనమే

దేవుడు మత్తయి (6:19-21) లో చెప్పినట్లు చేయడం జ్ఞానం అనిపించుకొంటుంది. మన ప్రాణం, ఆయుషు దెవుని చేతుల్లో వుంది.  తనకిష్టమైనప్పుడు ఆయన తీసేసుకోగలడు. దేవుని విషయంలో ధనవంతుడు అనే ఆశ్చర్యకరమైన మాట బైబిల్లో  ఇక్కడ ఒక్కచోట మాత్రమే వుంది. సామెతలు 19:17 పోల్చిచూడండి. ఈ మాట తన విషయంలో ధనవంతుడు అనే మాటకు వ్యతిరేకం.