ఆనందింతు నీలో దేవా - Aanandinthu neelo Deva lyrics

ఆనందింతు నీలో దేవా

పల్లవి :

ఆనందింతు నీలో దేవా
అనుదినం నిను స్తుతించుచు 
మధురమైన నీ నామమునే 
మరువక ధ్యానించెద ప్రభువా 

చరణం 1  :

ఆత్మ నాథా అదృశ్య దేవా
అఖిల చరాలకు ఆధారుండా 
అనయము నిను మది కొనియాడుచునే
ఆనందింతు ఆశ తీర 

చరణం 2  :

నాదు జనములు నను విడచినను
నన్ను నీవు విడువకుండా 
నీ కను దృష్టి నాపై నుంచి
నాకు రక్షణ శృంగమైన

చరణం 3  :

శ్రేష్ఠమగు నీ స్వాస్థ్యము కొరకు
మేఘమందు రానైయున్న 
ఆ ఘడియ ఎప్పుడో ఎవరికి తెలుసు
అంతం వరకును భద్రపరచుము 

చరణం 4  :

శ్రమలు నన్ను చుట్టిన వేళ
చింతలో కృశించిన వేళ 
అభయముగా నీ దర్శనమిచ్చి
శ్రమలు బాపి శాంతినిచ్చితివి