దేవా
పాపిని నిన్నాశ్రయించాను
దేవా పాపిని నిన్నాశ్రయించాను
ప్రేమ చూపించి నన్నాదుకోవయ్యా -2
||దేవా||
అపరాధినై అంధుడనై
అపవాదితో అనుచరుడై -2
సంచరించితి చీకటిలో
వంచన చేసితి ఎందరినో -2
||దేవా||
కలువరిలో సిలువొంద
కలవరమొందె జగమంతా -2
పాపినైన నా కొరకు
మరణమునే భరించితివి
మరణమునే జయించితివి
||దేవా||
ఇదిగో దేవా నా జీవితం
పల్లవి :
ఇదిగో దేవా నా జీవితం
ఆపాదమస్తకం నీకంకితం
శరణం నీ చరణం
చరణం 1 :
పలుమార్లు వైదొలగినాను
పరలోక దర్శనమునుండి
విలువైన నీ దివ్య పిలుపుకు
నే తగినట్లు జీవించనైతి
అయినా నీ ప్రేమతో
నన్ను దరిచేర్చినావు
అందుకే గైకొనుము దేవా
ఈ నా శేష జీవితం
చరణం 2 :
నీ పాదముల చెంత చేరి
నీ చిత్తంబు నేనెరుగ నేర్పు
నీ హృదయ భారంబు నొసగి
ప్రార్థించి పనిచేయనిమ్ము
ఆగిపోక సాగిపోవు
ప్రియసుతునిగా పనిచేయనిమ్ము
ప్రతి చోట నీ సాక్షిగా
ప్రభువా నన్నుండనిమ్ము
చరణం 3 :
విస్తార పంట పొలము నుండి
కష్టించి పని చేయ నేర్పు
కన్నీటితో విత్తు మనసు
కలకాలం మరి నాకు నొసగు
క్షేమ క్షామ కాలమైనా
నిన్ను ఘనపరచు బతుకునిమ్మయ్యా
నశియించి ఆత్మలన్
నీ దరి చేర్చు కృపనిమ్మయ్యా
యేసయ్య నామంలో - శక్తి ఉన్నదయ్యా
శ్రీయేసయ్య నామంలో - శక్తి ఉన్నదయ్యా
నమ్మితే చాలు నీవు - పొందుకుంటావు శక్తిని
- పాపాలను క్షమియించే - శక్తి కలిగినది యేసయ్య నామం పాపిని పవిత్రపరిచే - శక్తి కలిగినది యేసయ్య నామం
- రోగికి స్వస్థతనిచ్చే - శక్తి కలిగినది యేసయ్య నామం మనసుకు నెమ్మదినిచ్చే - శక్తి కలిగినది యేసయ్య నామం
- దురాత్మలను పారద్రోలే - శక్తి కలిగినది యేసయ్య నామం దుఃఖితులను ఆదరించే - శక్తి కలిగినది యేసయ్య నామం
- సృష్టిని శాసించగలిగిన - శక్తి కలిగినది యేసయ్య నామం మృతులను లేపగలిగిన - శక్తి కలిగినది యేసయ్య నామం
- పాతాళాన్నీ తప్పించే - శక్తి కలిగినది యేసయ్య నామం పరలోకానికి చేర్చే - శక్తి కలిగినది యేసయ్య నామం
